Wilgers Aftreeoord met sy 249 vrystaande huise en 120 woonstelle, se verbintenis tot uitnemendheid stel ‘n nuwe standaard daar vir luukse verblyf. Daar is groot sorg getref om te verseker dat ons vir ons inwoners ‘n veilige omgewing kan bied waar hulle kan deelneem aan ‘n dinamiese sosiale leefstyl met al die geriewe van voortreflike gesondheidsorg byderhand.

Life Wilgers Hospitaal en ander mediese geriewe is slegs 4km van die Oord, soos ook die Grove Inkopiesentrum en ‘n hele aantal ander koopsentrums. Die maklike toegang tot die N1 en N4 hoofweë is ideaal indien u ‘n gereelde reisiger is, of selfs net vir familiebesoeke. Bergingsfasiliteite is ook beskikbaar naby die Oord.

In die omgewing is daar heelparty sportgeriewe beskikbaar. U kan gholf speel by Silver Lakes of Woodhill Gholfklubs, ‘n potjie tennis by Murrayfield of Meyerspark Tennisklubs, of u kan aansluit by die aktiewe rolbalgemeenskap van Meyerspark Rolbalklub.